Јирген Клоп веројатно ќе биде новиот менаџер на Ливерпул, но како еден од кандидатите се споменуваше и Карло Анчелоти.
Анчелоти беше поврзуван и со Рома, но и со Милан откако не му тргна баш најдобро на Синиша Михајловиќ.
Сепак Италијанецот ужива во слободното време и нема намера да му се врати на фудбалот до почетокот на идната сезона.
„Уживам во моето време во моментов, но се разбира дека ќе се вратам на работата, бидејќи тоа е мојата пасија" - вели Анчелоти.
„Сакам да го искористам овој период за да одморам, но следната сезона ќе се вратам".