Арсенал влезе како фаворит во дуелот против Динамо Загреб, но хрватскиот шампион се радува на победата.

 

Резултатот беше отворен во 24. минута со гол на Пивариќ, а трагичар на Арсенал беше Жиру кој заработи втор жолт картон пред крајот на првиот дел.

 

Динамо ја искористи предноста со фудбалер повеќе и во 58. зголеми на 2-0. Арсенал пред крајот на мечот успеа само да ублажи на 2-1.

 

Рома и Барселона одиграа нерешено на Олимпико 1-1. Барса поведе со гол на Суарез, а Флоренци со погодок од огромна далечина го матираше Тер Штеген за реми.

 

Челзи конечно најде противник за да победи, сините го торпедираа Макаби Тел Авив со 4-0.

 

Ноќна не почна добро за Челзи, Азар промаши пенал, но брзо потоа Вилијан донесе водство со гол од слободен удар.

 

Во продолжението погодија Оскар, Коста и Фабрегас за убедлива победа пред дербито против Арсенал.

 

Во другите денешни натпревари Валенсија на свој терен беше поразена од Зенит со 3-2, Баерн со убедливи 3-0 победи кај Олимпијакос, Леверкузен со 4-1 славеше над БАТЕ, Гент и Лион одиграа нерешено 1-1, со реми заврши и дуелот помеѓу Динамо Киев и Порто 2-2.