Челзи денеска го потврди трансферот на Педро од Барселона, шпанскиот фудбалер потпиша за англискиот шампион.
„Фудбалскиот клуб Челзи со задоволство може да објави дека потпиша со Педро од Барселона" - стои во соопштението на клубот.
Задоволство од договорот искажа и самиот фудбалер.
„Многу сум среќен што сум тука. Возбуден сум што почнувам нова авантура во Челзи, тука сум да освојувам титули" - вели Педро.
„Му благодарам на клубот и на навивачите што ми ја дадоа можноста да го облечам синиот дрес".
