Јакимовски со игрите за Варезе минатата сезона го привлече вниманието на неколку екипи. Македонецот има неколку понуди од Турција и Романија, но преферира да остане во Италија, а негова конкретна желба е тимот на Џенова.
„Сезоната со Варезе беше тешка, не можам да го негирам тоа. Но тие ми дадоа шанса да дојдам во Италија и поради тоа овој клуб засекогаш ќе биде во моето срце" - изјави Јакимовски за Кориере дело Спорт.
„Сакам да останам во Италија. Добро ми е тука. Не ми се важни другите понуди. Мојот сон е да играм во Џенова, да играм во формацијата на Гасперини 3-4-3".
„Гасперини е одличен тренер, неговата игра секогаш е спектакуларна и би сакал да играм за него. Моето срце е црвено и сино, сакам да го облечам тој величествен дрес и да играм за тие фантастични фанови".
Желбата на Јакимовски да игра за Џенова е јасно, останува да видиме дали новиот клуб на Пандев ќе одлучи да ангажира уште еден Македонец.