Категорија: Италија 03.07.2015 08:17
Минатата недела се чинеше дека Милан ја загуби битката за Бразилецот откако Шахтјор Доњецк се договори со Ал Ахли.
Сепак, играчот не успеа да пронајде заеднички јазик со клубот од Дубаи, па зделката пропадна.
’Росоњерите’ го искористија ваквиот развој на настаните, се договорија со Луиз Адриано и Шахтјор, па репрезентативецот на ’Кариоките’ вчера стави потпис на пет годишен договор.
„Милан може да соопшти дека го купи Луиз Адриано од Шахтјор. Играчот стави потпис на договор со трајност до 30. јуни 2020” – гласеше известувањето на тимот од Сан Сиро.
Медиумите од Италија пренесуваат дека ’Црвено-црните’ за услугите на Луиз Адриано ќе платат околу 8 милиони евра.