Категорија: Германија 30.06.2015 13:24
Репрезентативецот на ’Црвените Ѓаволи’ имаше фантастична сезона, беше прогласен за најдобар играч во Бундеслигата, па го привлече вниманието на неколку клубови.
Се шпекулира дека Баерн Минхен, Манчестер сити и ПСЖ се подготвени да одвојат мало богатство за да го видат Кевин Де Брујне во своите редови.
Сепак, Волфзбург не сака да остане без својот најдобар фудбалер и порачува дека Белгијанецот не е на продажба.
„Кевин е под договор до 2019” – вели спортскиот директор Клаус Алофс во разговор со Sport1. „Пораката веќе е испратена. Де Брујне останува”.
Вицешампионот на Германија ќе му понуди нов договор на играчот и Клаус Алофс очекува двете страни за кратко време да најдат заеднички јазик.
„Кажавме дека ќе му понудиме нов договор”.
„Планот е да ја зголемиме неговата плата во согласност со изворедниот развој што го забележа, и очекувам за кратко време да си подадеме рака”.