Навивачите на Мајнц му кажаа збогум на Николче Новески кој го одигра последниот натпревар пред своите навивачи.
Новески кој во Мајнц пристигна во 2004 година стана вистинска легенда на клубот, а долги години беше и капитен на тимот.
Во четвртата минута (поради бројот 4 на неговиот дрес) од денешниот натпревар против Келн, публиката со стоечки овации го поздрави Новески, а на трибините се појави транспарент на кој пишуваше:
„11 години, 345 натпревари, 13 голови, рекордер во автоголови, претставник во европските купови, ти благодариме Николче Новески".
Новески во игра остана до 87. минута кога со солзи во очите го напушти теренот.