Откако најелитното клупско натпреварување го носи името Лига на шампиони (1992-93), ниту еден клуб не успеал два пати по ред да го крене големиот пехар.
Реал Мадрид има шанса за таков историски момент, но затоа е потребно најпрво да го елиминира Јувентус кој има предност од 2-1 по првиот натпревар, а потоа да победи и во финалниот натпревар во Берлин.
„Тимот е фокусиран и има желба за победа" - вели Карло Анчелоти на денешната прес конференција.
„Има желба за победа во полуфиналето и можност да играме во уште едно финале, да се обидеме да победиме таму и да испишеме уште едно парче историја".
„Историјата не е на наша страна, но ќе направиме се што можеме за да победиме. Не смееме да ја губиме концентрацијата, и ќе треба да играме со интензитет".
Карим Бензема е комплетно подготвен за утрешниот натпревар и можно е да биде стартер.
„Бензема е 100% подготвен. Имаше повеќе време да се опорави и се е комплетно подготвен. Би можел да биде стартер или да почне од клупата".