Во разговор со новинари во Шангај, Кантона даде неколку интересни изјави, кои можат да се оценат и како контроверзни.

 

„Каталонија го освои СП 2010 година, Шпанија имаше 10 играчи од Барселона во тимот. Шпанија не го освои СП, туку Барселона, Каталонија" - изјави Кантона.

 

„Кога младите селекции на Барселона и останатите тимови ќе почнат да даваат нови добри играчи, сигурен сум дека Шпанија повторно ќе се крене".

 

Додека остатокот од светот расправа кој е подобар, Кристијано Роналдо или Лионел Меси, Кантона смета дека Пасторе е најдобриот играч во светот.

 

„За мене Хавиер Пасторе е најдобар фудбалер во светот. Гледав два натпревари на ПСЖ само поради него и неговите асистенции. Тој поседува нешто посебно, фудбалот е интерактивна игра, а Пасторе секогаш ве изненадува со нешто. Не дава некои посебни голови, но има фантастични додавања, тој е најкреативниот играч на светот, ги сакам таквите фудбалери".