Категорија: Германија 01.04.2015 14:24
22 годишниот Давид Алаба се повреди на вчерашниот пријателски натпревар помеѓу Австрија и БиХ.
Утрово тој пристигна во Минхен на детални тестови кои покажале оштетување на средниот лигамент на левото колено.
Лекарскиот тим на ’Баварците’ прогнозира дека Давид Алаба ќе отсуствува од терените околу 7 недели, со што сезоната за левиот бек е речиси завршена.
Ова се лоши вести за тренерот Пеп Гвардиола, кој неодамна остана и без услугите на Арјен Робен.