Категорија: Шпанија 26.03.2015 12:33
Денешното издание на Marca вели дека репрезентативецот на Австрија е една од трансфер целите на Реал Мадрид.
Весникот објави дека преставници на ’Кралевите’ во Виена се сретнале со таткото на играчот, Џорџ Алаба и разговарале за можноста левиот бек да се пресели на Сантијаго Бернабеу.
Давид Алаба е под договор со Баерн до 2018, и според Marca сега се е во рацете на играчот, кој треба да го направи првиот чекор и да одлучи дали сака да остане на Алианц Арена или да ги спакува куферите и да се пресели во Мадрид.
Во меѓувреме, во разговор со медиумите од Австрија, самиот Давид Алаба ги отфрли ваквите шпекулации.
„Не сум премногу загрижен, се чувствувам комфорно во Баерн” – рече 22 годишниот фудбалер.