Матиќ се повредил на прославата на титулата во Лига Купот
Фудбалерот од средниот ред на Челзи, Немања Матиќ се повредил на прославата за освоениот трофеј во Лига Купот, но ќе биде подготвен за дуелот од Лигата на Шампионите против ПСЖ.
Иако не настапи во финалето од Лига Купот, Немања Матиќ заработил повреда.
„Ќе ви кажам нешто што никој не знае. Матиќ е повреден, се повреди за време на прославата на победата во Купот" - открива Мурињо.
„И доколку не беше суспендиран за дуелот со Вест Хем, немаше да настапи поради повреда. Го свитка зглобот. Но ќе игра против ПСЖ, ќе тренира во сабота или во недела".
