Категорија: Англија 05.03.2015 10:43
Французинот, кој има срцева мана, во минатото во неколку наврати се има онесвестено на терените, а истото му се случи и на вчерашното гостување кај Тотенхем.
Овој инцидент сите ги врати во март 2012 година, кога на дуелот помеѓу ’Спарси’ и Болтон, Фабрис Муамба доживеа инфаркт.
Сепак, се е во ред со Бафетимби Гомис, напаѓачот на Твитер им се заблагодари на фановите за поддршката и објасни зошто колабрирал на теренот.
„Сакам да ве осигурам дека се е во ред со мене, она што ми се случи изгледаше многу страшно, но се чуствувам добро” – напиша напаѓачот.
„Татко ми има проблеми со здравјето, па бев под огромен стрес, често патував за Франција и бев изморен”
„Разочаран сум што не можев да му помогнам на мојот тим вечерва”.
„Исто така сакам да им се заблагодарам на сите за поддршката и пораките за брзо закрепнување”.