Севиља и Валенсија се интересираат за Пандев
Според информациите од Италија, покрај неколкуте италијански клубови, за услугите на Пандев интерес има и од Примера, Севиља и Валенсија се во трка за потписот на Македонецот.
Горан Пандев во јануари ќе го напушти Галатасарај, интерес за неговите услуги има од неколку италијански клубови, но последните информации велат дека и клубови од Примера сакаат да го видат Македонецот во своите редови.
Според „Скај Спорт Италија“, Севиља и Валенсија имаат потреба од искусен напаѓач и токму Горан Пандев е во нивниот тефтер со желби за јануарскиот преоден рок.
Претходно турските медиуми објавуваа дека Галатасарај веќе се договорил со Торино за трансфер на Горан Пандев, а во комбинација се споменуваа и екипите на Фиорентина и Сампдорија.
Едно е сигурно, Горан Пандев од јануари ќе има нов клуб, останува да видиме кој ќе го договори неговиот потпис.
