Популарните ’Лос Че’ сакаат да го модернизираат своето лого но американската компанија DC Comics се противи на дизајнот кој ФК Валенсија го поднесе до OHIM, организацијата за регистрација на заштитни знакови при Европската Унија.

DC Comics верува дека новото лого на Валенсија, на кое лилјакот е прикажан со крилјата кренати нагоре, е премногу слично со логото на нивниот супер-херој Бетмен.

Многумина се изненадени од вакиот потег со оглед на тоа дека лилјакот се смета за симол на среќа и чувар на градот Валенсија, и е дел од логото на ФК Валенсија од 1919.

Ликот на Бетмен во стрип се појавува дури 20 години подоцна, односно во 1939.