Категорија: Англија 30.09.2014 16:36
Медиумите од ’Островото’ во неколку наврати пренесоа дека репрезентативецот на ’Триколорите’ е многу блиску до продолжување на верноста кон Арсенал за уште две дополнителни години до 2018.
Зборувајќи на денешната прес конфренција во пресрет на дуелот со Галатасарај во Лигата на Шампионите, Арсен Венгер потврди дека Оливие Жиру ќе стави потпис на нов договор.
„Се е договорено. Ќе испратиме соопштение кога ќе се комплетираат сите формалности” – рече менаџерот на ’Топџиите’.
„Сакаме стабилност и да го задржиме јадрото на нашиот тим. Жиру е важен фудбалер за нас”.
Во моментов 28 годишниот напаѓач се опоравува од повреда на скочниот зглоб и ќе паузира до крајот на годината.