Гвардиола: Ја заслуживме победата
Тренерот на Баерн Минхен, Пеп Гвардиола е задоволен од стартот со победа во Лигата на Шампионите, вели дека неговиот тим заслужил да се радува на трите бода.
Со гол на Боатенг во 90. минута Баерн Минхен со 1-0 го победи Манчестер Сити на Алијанц Арената.
„Тие играа подобро во првите 20 минути а потоа ние бевме подобри во остатокот од натпреварот" - вели Пеп.
„Ја заслуживме оваа победа, во второто полувреме одигравме на многу високо ниво".
„Не можеме да заборавиме против каков тим игравме, задоволен сум од нашето издание, ова е само прв натпревар во згуснатиот период кој ни претстои".