Категорија: Германија 16.09.2014 11:51
47 годишниот стратег го превзеде кормилото на Хамбургер во февруари и успеа на клубот од Имтех Арена да му обезбеди опстанок во Бундеслигата.
По разочаруачката сезона, Хамбургер во летниот преоден рок донесе неколку засилувања и целта беше пласман во горниот дел на табелата.
Сепак, ХСВ лошо ја започна и оваа сезона, од првите три кола освои само еден бод и притоа не постигна ниту еден погодок.
Па лидерите на клубот веднаш одлучија дека е време за промени и го разрешија Мирко Сломка од неговите должности.
Медиумите од Германија пренесуваат дека вчера во доцните вечерни часови, првиот човек на Хамбургер, Дитмар Бајесдорфер лично со сретнал со Мирко Сломка и му соопштил дека тие повеќе не сметаат на неговите услуги.
Се говори дека поранешниот предводник на Мајнц, Томас Тухел е желбата на Хамбургер за наследник на Мирко Сломка.