Ливерпул повторно е меѓу елитата, Црвените вечерва на Енфилд го пречекуваат Лудогорец во првиот натпревар од Лигата на Шампионите.
„Возбудени сме, пет години отсуство од Лигата на Шампионите е многу, последниот натпревар кој Ливерпул го одигра беше во декември 2009 година" - вели Роџерс.
„Во изминатите години работевме многу напорно за да дојдеме до тука, минатата сезона бевме одлични и успеавме да ја оствариме целта".
„Првиот натпревар го играме дома и нашата цел е да одиграме добро и да ги освоиме трите бода, нашата вкупна цел е да ја поминеме групата и да се квалификуваме во елиминационата рунда".
„Против Лудогорец треба да започнеме агресивно од самиот старт, да притиснеме, тоа уште повеќе ќе го еруптира Енфилд и атмосферата би била одлична".