Манчестер Јунајтед конечно ја забележа првата победа во новата сезона, тимот на Луис ван Гал го совлада КПР со 4-0.
Главен на теренот беше Анхел Ди Марија, кој и ја започна серијата погодоци со гол од слободен удар во 24. минута.
Десетина минути подоцна деби гол во црвениот дрес и за Андер Ерера, а пред крајот на првиот дел Вејн Руни постигна гол за убедлива предност на Јунајтед од 3-0.
Победата ја запечати Хуан Мата по 15 минути игра во вториот дел откако одлично беше проигран од Ди Марија.