Долго време се говореше дека репрезентативецот на Колумбија ќе се пресели во Реал Мадрид, но по се изгледа напаѓачот кариерата ќе ја продолжи во Премиер лигата.

Манчестер Јунајтед, Арсенал и Манчестер Сити се обидат да стигнат до потписот на Радамел Фалкао во последниот ден од летниот преоден рок, а според медиумите од ’Островото’, ’Цравените Ѓаволи’ ја добиваат битката.

Во прв момент се говореше дека клубот од Олд Трафорд е подготвен да плати 65 милиони евра за услугите на напаѓачот.

Но последните извештаи велат дека Манчестер Јунајтед и Монако постигнале договор за позајмиц на Радамел Фалкао за која ’Црвените Ѓаволи’ ќе платат околу 12 милиони фунти (15 милиони евра).

Сега останува играчот да ги помине редовните лекарски прегледи и да ги договори личните услови, но се очекува ова да биде само формалност.