По втор пат во својата историја Марибор ќе игра во групната фаза од Лигата на Шампионите, Македонија ќе има свој претставник во Агим Ибраими.
По нерешените 1-1 во Марибор, на словенечкиот претставник му беше потребна победа на Селтик Парк, тоа и се случи, мисијата е исполнета.
Клучниот момент се случи во 75. минута од натпреварот кога Таварес ја затресе мрежата на Гордон.
Ибраими го одигра целиот натпревар за Марибор, нашиот репрезентативец е една од клучните алки во овој состав кој ќе игра во групната фаза од Лигата на Шампионите.
Таму покрај Марибор се пласираа и Зенит, АПОЕЛ, БАТЕ Борисов и Порто.
Зенит со убедливи 3-0 го совлада Стандард Лиеж, АПОЕЛ со 4-0 го прегази Алборг, 3-0 славеше и БАТЕ Борисов над Слован Братислава, Порто со 2-0 го доби дуелот со Лил.
