Напаѓачот во октомври доби црвен картон на квалификацискиот натпревар помеѓу Црна Гора и Англија, откако од зад грб го удри Миодраг Џудовиќ.

Во прв момент УЕФА му изрече на Вејн Руни суспензија од три натпревари, по што Фудбалската Асоцијација на Англија ја обжали ваквата одлука.

Утрово, ѕвездата на Манчестер Јунајтед, во придружна на четири адвокати и селекторот на Англија Фабио Капело, се појави на сослушување пред тричлена комисија во Нион.

Откако одбраната на Руни ја образложи својата жалба, Европската куќа на фудбалот се сложи дека првичната казна е престорга.

Па затоа УЕФА ја намалу суспензијата од три на два натпревари, а третиот натпрвар ќе биде условен и ќе се активира доколку фудбалерот заработи исклучување на натпревар од Европа во следните четири години.

Со ваквата пресуда, Руни ќе може да настапи на дуелот со Украина, но ќе ги пропушти натпреварите со Франција и Шведска во Групата Д на ЕВРО 2012.