На отварањето на турнејата во САД и Канада, Милан доживеа пораз од 3-0 од Олимпијакос.
И покрај високиот пораз, Инзаги не е разочаран од настапот на оние кои добија шанса, но вели дека ќе бидат многу подоби кога ќе бидат комплетни.
„Фудбалерите кои играа на светското првенство се вратија пред три дена и не можеа да играат. Ги пуштив Де Шиљо и Хонда бидејќи немавме многу играчи" - вели Инзаги.
„Знаев кој е ризикот, тука допатувавме пред ден ипол и не можевме да тренираме. Знаевме дека Олимпијакос е во предност пред нас во поглед на кондицијата".
„Не е важен резултатот, важни ми се перформансите. Кога ќе ги имаме сите, ќе бидеме друг тим. Но ми се допаѓа духот кој е тука и желбата кај сите".
„Имавме некои шанси. Не бевме фантастични, но одиме понатаму".
„Ќе ги извадиме позитивните и негативните страни, и ќе напредуваме, кога ќе бидеме сите тука, тоа ќе биде еден друг Милан".