Категорија: Македонија 23.07.2014 00:01
И покрај тоа што во преодниот рок ги напуштија дури девет стандарни фудбалери, тимот на Металург предводен од Срѓан Захариевски има одличен настап на европската сцена.
Вечерва Металург одигра 2-2 против Железничар во Сараево и се пласира во третото квалификациско коло од Лига Европа.
„Мислам дека одигравме еден квалитетен натпревар, поквалитетен од оној во Скопје" - изјави Захариевски по натпреварот.
„Губевме 2:0 и промашивме пенал. Но потоа брзо постигнавме гол и го држевме домаќинот во неизвесност. На крајот успеавме да постигнеме и втор гол и оваа победа за нас многу значи".
„Нашата желба беше клучна, нашиот мотив, мотивот на оваа млада екипа, не се предадовме до крајот и на крајот славевме. Одигравме многу борбено".
Фото: sportsport.ba