Марсеј беше многу блиску до елиминација од најелитното Европско натпреварување, но со два погодока во завршниот дел од средбата, избраниците на Дидие Дешамп стигнаа до победа од 3-2 на гостувањето кај Борусија Дортмундм и обезбедија пласман во нок-аут фазата.

“Фудбалот е неверојатен спорт.” – рече Дешамп по крајот на средбата. “Ова е натпревар кој ќе биде многу важен во историјата на Марсеј, и со гордост ќе одиме во нок-аут фазата.”

“Во првото полувреме игравме многу лошо, и можевме да примиме повеќе погодоци.”

“Голот на Лоик Реми во судиското продолжени од првиот дел не врати во игра.”

“Доколку на полувреме заминевме со негатива од 2-0, ќе беше многу тешко да направиме пресврт, но со 2-1 средбата беше отворена.”

Тренерот на Марсеј потоа продолжи: “Уште еден важен погодок беше оној на Валбуена (погодокот за водство од 3-2 во 87. минута).”

“Постојано им повторував на моите фудбалери дека мораат да имаат верба до самиот финиш на средбата.”

“Извонредно е што направивме ваков кам-бек. Пресреќни сме што ќе играме во нок-аут фазата од Лигата на Шампионите.”