Главниот играч на бразилската селекција, Нејмар заработи повреда поради која од месец до два ќе биде надвор од терените.

Најголем удар за него е што ќе го пропушти преостанатиот дел од светското првенство на кое беше главна ѕвезда во својата селекција.

Нејмар вели дека сонот за настап во финалето на светското првенство е завршен, но не и сонот за големиот трофеј од мундијалот.

„Ми го земаа сонот да играм во финалето на светското првенство, но сонот за освојување на светското првенство сеуште трае" - вели Нејмар.

„Има уште два натпревари и сигурен сум дека моите соиграчи ќе направат се за да го кренат трофејот".